ការចុះផ្ទៀងផ្ទាត់និយាមកាបោះបង្គោលព្រំដី និងរៀបចំផែនទីលម្អិតតាមបណ្តោយព្រែកជីកហ្វូណនតេជោ សម្រាប់កំណាត់ទី១ ប្រវែង ២១គីឡូម៉ែត្រ (ព្រែកតាកែវ-ព្រែកពោធិ៍ ) ត្រូវបានបញ្ចប់ ១០០% | សម្តេចតេជោ ហ៊ុន សែន ជំរុញ​កិច្ច​សហប្រតិបត្តិការ​អាស៊ាន​ឲ្យ​កាន់​តែ​ខ្លាំង​ចំ​ពេល​មាន​បញ្ហា​ប្រឈម​ជា​សាកល | កម្ពុជា និងឥណ្ឌូនេស៊ី មានគោលបំណងជំរុញកិច្ចសហប្រតិបត្តិការក្នុងវិស័យសំខាន់ៗ | កម្ពុជាហាមឃាតការនាំចូលសត្វពានៈ និងផលិតផលសាច់សត្វ​ពី​ប្រទេស​ថៃ​ជា​បណ្ដោះអាសន្ន ចំ​ពេល​មាន​ការ​ផ្ទុះ​ជំងឺ​ឈាមខ្មៅ ឬជំងឺអង់ត្រាក់លើសត្វពាហនៈ | កម្ពុជា​ចុះ​​ប្រហុកសៀមរាបជាម៉ាកសម្គាល់ភូមិសាស្ត្រទំនិញដើម្បីលើកកម្ពស់ផលិតផលធ្វើម្ហូបបែបប្រពៃណីខ្មែរ |
ការចុះផ្ទៀងផ្ទាត់និយាមកាបោះបង្គោលព្រំដី និងរៀបចំផែនទីលម្អិតតាមបណ្តោយព្រែកជីកហ្វូណនតេជោ សម្រាប់កំណាត់ទី១ ប្រវែង ២១គីឡូម៉ែត្រ (ព្រែកតាកែវ-ព្រែកពោធិ៍ ) ត្រូវបានបញ្ចប់ ១០០% | សម្តេចតេជោ ហ៊ុន សែន ជំរុញ​កិច្ច​សហប្រតិបត្តិការ​អាស៊ាន​ឲ្យ​កាន់​តែ​ខ្លាំង​ចំ​ពេល​មាន​បញ្ហា​ប្រឈម​ជា​សាកល | កម្ពុជា និងឥណ្ឌូនេស៊ី មានគោលបំណងជំរុញកិច្ចសហប្រតិបត្តិការក្នុងវិស័យសំខាន់ៗ | កម្ពុជាហាមឃាតការនាំចូលសត្វពានៈ និងផលិតផលសាច់សត្វ​ពី​ប្រទេស​ថៃ​ជា​បណ្ដោះអាសន្ន ចំ​ពេល​មាន​ការ​ផ្ទុះ​ជំងឺ​ឈាមខ្មៅ ឬជំងឺអង់ត្រាក់លើសត្វពាហនៈ | កម្ពុជា​ចុះ​​ប្រហុកសៀមរាបជាម៉ាកសម្គាល់ភូមិសាស្ត្រទំនិញដើម្បីលើកកម្ពស់ផលិតផលធ្វើម្ហូបបែបប្រពៃណីខ្មែរ |

អគ្គលេខាធិការ UN៖ «សង្គ្រាមនៅតំបន់ហ្គាហ្សាគឺជាការបំផ្លិចបំផ្លាញដ៏ធ្ងន់ធ្ងរបំផុតមិនធ្លាប់មានក្នុងអាណត្តិជាង ៧ឆ្នាំរបស់ខ្ញុំ»

  • ចុះផ្សាយថ្ងៃទី១០ ខែកញ្ញា ឆ្នាំ២០២៤ ម៉ោង ១២:២៣ នាទី ដោយ EAC News
  • 1559
  Aa |   aA

អន្តរជាតិ៖ អគ្គលេខាធិការអង្គការសហប្រជាជាតិ (UN) ឱ្យដឹងនៅថ្ងៃទី១០ ខែកញ្ញានេះថា អង្គការសហប្រជាជាតិបានស្នើឱ្យត្រួតពិនិត្យ និងពន្លឿនឱ្យមានបទឈប់បាញ់នៅក្នុងតំបន់ហ្គាហ្សា និងទាមទារឱ្យបញ្ចប់សង្គ្រាមដែលបណ្ដាលឱ្យមានអ្នកស្លាប់ និងការបំផ្លិចបំផ្លាញដ៏ធ្ងន់ធ្ងរបំផុតមិនធ្លាប់មាន ក្នុងអាណត្តិរយៈពេលជាង ៧ឆ្នាំរបស់លោក។ 

លោក Antonio Guterres អគ្គលេខាធិការ UN ថ្លែងក្នុងបទសម្ភាសន៍ជាមួយសារព័ត៌មាន Associated Press ថា វាទំនងជាមិនពិតទេ (មិនអាចទៅរួច) ដែលរំពឹងថា UN នឹងអាចដើរតួនាទីសំខាន់នៅលើតំបន់ហ្គាហ្សា ទាំងការជួយគ្រប់គ្រងទឹកដី ឬការផ្តល់កម្លាំងរក្សាសន្តិភាព ពីព្រោះអ៊ីស្រាអែលទំនងជាមិនទទួលយកការចាត់ចែងពីសំណាក់អង្គការសហប្រជាជាតិឡើយ។

លោក Antonio Guterres ថ្លែងថា៖ "UN នឹងគាំទ្រជានិច្ចនូវរាល់បទឈប់បាញ់ទាំងអស់"។ គួរបញ្ជាក់ថា អង្គការសហប្រជាជាតិមានបេសកកម្មត្រួតពិនិត្យលើយោធានៅតំបន់មជ្ឈិមបូព៌ា ដែលត្រូវបានគេស្គាល់ថា UNTSO មានវត្តមានតាំងពីឆ្នាំ១៩៤៨ ដែលអគ្គលេខាធិការ UN ថ្លែងថា នេះគឺជាអ្វីដែលយើងនឹងដាក់នៅលើតុចរចាដើម្បីគាំទ្រដល់ការជំរុញឱ្យមានបទឈប់បាញ់។ លោក Guterres បន្តថា៖ "ពិតណាស់! យើង (UN) នឹងត្រៀមដើម្បីផ្តល់នូវអ្វីដែលជាការស្នើសុំពីសហគមន៍អន្តរជាតិ។ ប៉ុន្តែអ្វីដែលជាបញ្ហាគឺថា តើភាគីនានា ជាពិសេសអ៊ីស្រាអែលនឹងទទួលយកដែរឬទេ"?

ដោយសង្កត់ធ្ងន់លើភាពបន្ទាន់នៃបទឈប់បាញ់នៅពេលនេះ លោក Guterres ថ្លែងដូច្នេះថា “កម្រិតនៃភាពរងទុក្ខក្នុងតំបន់ហ្គាហ្សាដែលគ្រប់គ្នាកំពុងបានឃើញដោយផ្ទាល់ភ្នែកនៅពេលនេះ គឺមិនធ្លាប់មានពីមុនឡើយក្នុងអាណត្តិរបស់ខ្ញុំក្នុងនាមជាអគ្គលេខាធិការអង្គការសហប្រជាជាតិ។ ខ្ញុំមិនធ្លាប់ឃើញរូបភាពនៃការស្លាប់ និងការបំផ្លិចបំផ្លាញដូចអ្វីដែលកំពុងកើតមានក្នុងតំបន់ហ្គាហ្សានៅរយៈពេលប៉ុន្មានខែចុងក្រោយនេះទេ"។ 

បើតាមអាជ្ញាធរសុខាភិបាលនៃតំបន់ហ្គាហ្សាបញ្ជាក់ថា សង្គ្រាមដែលបានផ្ទុះឡើងកាលពីខែតុលា ឆ្នាំ២០២៣ បានផ្តាច់ជីវិតជនជាតិប៉ាឡេស្ទីនជាង ៤០,៩០០ នាក់ និងបានបណ្ដាលឱ្យមានការបំផ្លិចបំផ្លាញយ៉ាងធ្ងន់ធ្ងរលើតំបន់នេះ និងនាំឱ្យមានការជម្លៀសប្រជាជនប្រមាណជា ២លាននាក់ដោយប្រតិ​ប​ត្តិការយោធារបស់អ៊ីស្រាអែល៕



ព័ត៌មានជាច្រើនទៀតសម្រាប់អ្នក